AQShning eng yirik shahari – Nyu-York qotilliklarsiz yashagan rekord darajadagi 13 kunlik muddat 14 fevralda o‘z nihoyasiga yetdi. The New York Post ma’lumotlariga ko‘ra, aynan 14 fevral kuni shaharning Kuins tumanida istiqomat qiluvchi Erik Roman ismli shaxs o‘qotar quroldan olingan jarohatlar tufayli halok bo‘ldi.
Bundan avvalgi qotillik Nyu-Yorkda 1 fevral kuni sodir etilgan edi. O‘tgan yili ham fevral oyida Nyu-Yorkda 10 kunlik muddat ichida, ya’ni 13-22 fevral kunlari hech qanday qotillik sodir etilmagan.
Navbatdagi “qotilliklarsiz” o‘tgan muddat shaharning jinoyatchilik bo‘yicha tarixida 90-yillarning boshidan beri davom etgan eng uzoq muddat hisoblanadi.
Mutaxassislar jinoyatchilarning faollashuvi kamayganiga nima sabab bo‘lganini aniq tushuntira olimayapti.
Mutaxassislarning fikricha, bu holat huquqni muhofaza qilish muassasalari tomonidan o‘tkazilayotgan qandaydir bir muayyan tadbirning natijasi, yomon ob-havo sharoiti (hozirda Nyu-Yorkda bu yerdagi o‘lchovlar bo‘yicha ancha sovuq havo harorati hukm surmoqda, havo harorati kunduzi minus 4 dan minus 8 gacha oralig‘ida o‘zgarib turibdi) natijasi yoki shunchaki tasodif bo‘lishi mumkin.
Ishdagi Ishq - Моей душе покоя нет
Nyu-York 13 kun qotilliklarsiz yashadi 
