Amerikalik ayol 100 yoshini parashyut bilan sakrash orqali nishonladi
AQShning Nyu-York shahrida yashovchi Eleanor Kanningem 100 yoshini o‘z tengdoshlari uchun noodatiy usulda — parashyut bilan sakrash orqali nishonladi, deya xabar bermoqda Vesti.ru.
Kanningem xonimning shaxsiy vrachi uning sog‘lig‘ini ijobiy baholagach, u 2,7 kilometr balandlikdan parashyut bilan sakradi. Jasur ayolning suratlarini amerikalik jurnalist o‘z Twitter’iga joyladi.
Ayolning aytishicha, u 90 yoshida ilk bora parashyut bilan sakragan, shundan buyon har besh yilda “osmonni zabt etish”ga qaror qilgan. 105 yoshga kirganida to‘rtinchi bor sakrashni amalga oshirmoqchi.
Amerikalik ayol 100 yoshini parashyut bilan sakrash orqali nishonladi 
