Saakashvili Ukraina hukumatini poraxo‘rlikda aybladi
Odessa viloyati hokimi Mixeil Saakashvili videomurojaat tayyorlab, unda Ukraina bosh vaziri Arseniy Yatsenyukka “faktlar tilida” ayblovlar qo‘ydi.
Ilgariroq Yatsenyuk Saakashvilining oligarxlar hokimiyatga ta’sir o‘tkazayotgani haqidagi so‘zlarini inkor qilgan edi. Bunga javoban Gruziyaning sobiq prezidenti maxsus videomurojaat yo‘llab, Yatsenyukning xatti-harakatlari Ukrainaga jiddiy zarar keltirganini ta’kidlab o‘tdi.
“Ushbu hukumat faoliyatining oxirgi yilida davlat korxonalariga 100 mlrd grivna (4.5 mlrd dollar) zarar yetkazildi, - ta’kidlaydi Saakashvili. – Bu korxonalar daromad keltiradi, albatta, ammo ular oligarxlarga daromda keltiradi. Ular ukrainaliklarga zarar keltirayotgani bois odamlar ularga o‘z pensiyalari va maoshlaridan subsidiyalar ajratmoqda. Mana shu oligarxlar ta’sirining isbotidir”.
Saakashvili Ukraina hukumatini poraxo‘rlikda aybladi 
