Kelasi yili AQShga tahdid solishi mumkin bo‘lgan xalqaro xavf-xatarlar ro‘yxati e’lon qilindi.
Eng mashhur tahliliy markazlardan biri bo‘lgan Xalqaro munosabatlar bo‘yicha kengash (Council for Foreign Relations) 2016 yilda AQShning yakka hukmronligi uchun soya solishi mumkin bo‘lgan xavf-xatarlarning ro‘yxatini e’lon qildi. Bu haqda theatlantic.com internet nashri xabar bermoqda.
Tadqiqot 2016 yilda kutilayotgan xatarlarni xavflilik darajasiga ko‘ra uch guruhga ajratgan:
1. Yuqori darajadagi chaqiriqlar. Yaqin Sharq mintaqasi eng xavfli hudud maqomini saqlab qolmoqda. AQShga hujum qilish yoki davlat infratuzlimasiga internet orqali tahdid solish xavflaridan tashqari, CFRning fikricha, kurdlar va turklar o‘rtasida qarama-qarshilik ahvolni yanada og‘irlashtirishi mumkin. Bu muammolar Suriyada davom etayotgan fuqarolar urushi ta’sirida keskin tus olishi ehtimoldan holi emas. Shuningdek, Isroil-Falastin munosabatlarining murosasizligi, Liviya va Misrdagi siyosiy beqarorlik, DAIShning faoliyati oqibatida Iroqdagi vaziyatning tarqoqsizligi va shialar hamda sunniylar o‘rtasidagi mojaro ham katta xavotirlarga sabab bo‘lmoqda.
2. O‘rtacha darajadagi chaqiriqlar. Ushbu chaqiriqlar Yevrosiyo mamlakatlarida mavjud bo‘lgan muammolardan paydo bo‘lyapti: Ukrainadagi mojarolarning keskinlashuvi, NATO davlatlarining Rossiya bilan to‘qnashuvi shular jumlasidandir. Xitoy mavzusi ham ushbu darajaga kiradi. Biroq, mutaxassislarning fikricha, rasmiy Pekinning Janubiy Xitoy dengizidagi tajovuzkorona harakatini kutmasa ham bo‘ladi. Bunga mamlakat iqtisodiyotining sustlashuvi sabab bo‘lmoqda. Eronga keladigan bo‘lsak, hozirgi kunda mamlakatning diqqati yadro dasturidan mintaqadagi shialar va Suriya hukumatini qo‘llab-quvvatlashga qaratilmoqda. Eronning bunday tashqi siyosati AQShning eng asosiy muammolaridan biriga aylanmoqda.
3. Quyi darajadagi chaqiriqlar. Yuqorida eslatib o‘tilmagan muammolar: Saudiya Arabistoni va Kongo Demokratik Respublikasidagi siyosiy boshboshdoqlik, shuningdek, Rossiyaning Shimoliy Kavkaz mintaqasida kuchayishi mumkin bo‘lgan terrorchilik harakatlari. Mazkur xavotirlar AQShning ushbu yo‘nalishda o‘zining sa’y-harakatlarini kuchaytirishi kerakligiga ishora qilmoqda.
Dengiz hukumdori - Offical soundtreck
AQShni 2016 yilda qanday xavflar kutyapti? 
