AQSh Moliya vazirligi xorij aktivlarini nazorat qilish boshqarmasi tomonidan Evil Corp xakerlar guruhiga nisbatan sanksiya joriy etdi. Ushbu mamlakat hukumati mazkur guruhni Dridex zararli dasturiy ta'minotni yaratish va tarqatishga ayblamoqda.

Ma'lum qilinishicha, Dridex 40 dan ortiq mamlakatlardagi yuzlab banklar va moliya tashkilotlari kompyuterlari hamda ma'lumotlar yig'ish tizimiga zarar yetkazishda foydalanilgan. Bu esa 100 mln. dollardan ortiq o'g'irliklar qilinishiga olib kelgan.

Qayd etilishicha, sanksiya qo'llanganlar ro'yxatidan yettita tashkilot va 17 nafar shaxs joy oldi. Ular Rossiya, Ispaniya, Isroil,Fransiya va boshqa mamlakatlar fuqarolaridir. Ularning ichida O'zbekiston fuqarosi Azamat Safarov(1990 yilda tug'ilgan) ham bor. Endi u qora ro'yxatda va unga AQShdagi aktivlarini “qulflab” qo'yish va mamlakatga kirishni taqiqlash xavf solyapti.