UMS internet-to‘plamlarga bonus berish aksiyasini yo‘lga qo‘ydi
UMS (Universal Mobile Systems) mobil operatori oylik internet-to‘plamlar hamda «OnNet» xizmati doirasida xarid qilingan internet-trafikka 20% bonus berilishi haqida e’lon qildi. Aksiya 2016 yil 1 avgustgacha barcha abonentlar uchun amal qiladi.
Oylik internet-to‘plamlar – bu mobil operatorning foydali takliflaridan biri bo‘lib, abonentlarga kerakli oylik trafik hajmini nisbatan arzonroq narxlarda xarid qilish imkoniyatini yaratadi. UMS aksiyasi doirasida xizmat yanada qulayroq bo‘ldi: 500dan 10000 megabaytgacha hajmga ega internet-to‘plamlarga ulanganda, mijozlar oldingi narxlar bo‘yicha qo‘shimcha 100dan 2000 megabaytgacha trafikka ega bo‘lishadi.
«OnNet» opsiyasi internet-to‘plamlarni har oy avtomatik tarzda uzayadigan qilib ulash imkonini beradi. Uning yordamida xarid qilingan trafik keyingi oylarga o‘tadi, ikkinchi oydan boshlab esa to‘plamlar narxlari boshlang‘ich narxlarga nisbatan 5%ga arzonroq bo‘ladi. Aksiyada ishtirok etish va 20% bonusni qo‘lga kiritish uchun abonentlar 500dan 10000 megabaytgacha bo‘lgan OnNet-to‘plamlarni ulashlari (qayta ulashlari) kerak bo‘ladi.
– Data-operator yo‘lidan borar ekan, UMS kompaniyasi o‘zining yangi va amaldagi mijozlariga qo‘proq qulayliklar yaratishga intilmoqda. Internet-to‘plamlarga bonuslar berish bo‘yicha aksiya bunga yorqin misol bo‘la oladi. Yaqin kelajakda abonentlarimizga yangidan-yangi takliflarni taqdim etamiz, bu esa talablarga mos aloqa operator xizmatlaridan yanada qulay tarzda foydalanish mumkinligini anglatadi, - deya ta’kidladi «UMS» MChJ Marketing va operatorlik biznesini rivojlantirish departamenti direktori Andrey Mamaev.
Internet-to‘plamlar va aksiya shartlari bilan qo‘yidagi havolalar orqali batafsil tanishib chiqish mumkin:
Oylik internet-to‘plamlar – http://ums.uz/uz/internet/9837
«OnNet» internet-to‘plamlar – http://ums.uz/uz/internet/10992
UMS internet-to‘plamlarga bonus berish aksiyasini yo‘lga qo‘ydi 
