Madina Mumtoz: “Ko‘p yillar bu mavzuga qo‘l urmadim”
O‘zbekiston Respublikasi Prezidenti Islom Karimov “Eng dilbar qo‘shiqlar ham Vatan haqidagi qo‘shiqlardir”, deb ta’kidlagan edi. Buguncha Vatan haqida minglab qo‘shiqlar yaratilgan. Ularning har birini eshitganingizda qalbingiz g‘urur va iftixorga to‘ladi. Ko‘z o‘ngingizda duoga qo‘l ochgan otaxonu onaxonlar, quvnoq kulgusi dunyoni tutgan jajji bolajonlar, ertangi kunga ishonch bilan boqib, maqsadi tomon shahdam qadamlar bilan odimlayotgan yoshlar keladi.
Xonandalar ko‘p, qo‘shiqlar bisyor. Biroq Vatan haqida kuylangan qo‘shiqlarning o‘rni bo‘lakcha. “Nihol” mukofoti sovrindori Madina Mumtoz ilk bor Vatan haqida kuyladi. “O‘zbegim” nomli qo‘shiq so‘zi va musiqasi Bahodir Nizomovga tegishli.
“Vatan haqida kuylash uchun xonanda har tarafdan tayyor bo‘lishi kerak. Men ko‘p yillar bu mavzuga qo‘l urmay keldim. Chunki natija uyaltiradigan bo‘lmasligi lozim. Menimcha, qo‘shiq muxlislarimga manzur bo‘ladi”, deydi Madina Mumtoz.
Qo‘shiqni saytimizning musiqa bo‘limida tinglash va ko‘chirib olish imkoniyatiga egasiz.
Madina Mumtoz: “Ko‘p yillar bu mavzuga qo‘l urmadim” 
