“Nihol” mukofoti sovrindori Madina Mumtoz muborak Ramazon oyining ilk kuni “Ramazon” nomli yangi qo‘shiqni e’tiboringizga havola etyapti.
O‘zbek shou-biznesida Ramazon mavzusida aytilgan qo‘shiqlar barmoq bilan sanarli. Shu bugungacha xonanda va bastakor Shahnozning “Ramazon” nomli qo‘shig‘i tildan-tilga o‘tib kelayotgan edi. Endi uning qatoriga Madina Mumtozning “Ramazon” nomli qo‘shig‘i qo‘shilish arafasida turibdi.
E’tiborli jihati shundaki, qo‘shiq musiqasi g‘oyasini Madina Mumtoz Buyuk Britaniyaning “Awakening Records” studiyasidan sotib olgan. Qo‘shiqqa musiqiy sayqalni aranjirovkachi Umid Obidov bergan. She’r esa xonandaning doimiy hamkori Bahodir Nizomov qalamiga mansub.
Qo‘shiqni tinlagan zahotingiz u sizni nurli manzillar tomon eltadi. Qalbingizda shukronalik hissi jo‘sh uradi. Tinch va farovon hayotimizga shukronalar aytasan, kishi.
Qo‘shiqni saytimizning musiqa bo‘limida tinglash va ko‘chirib olish imkoniyatiga egasiz.
Madina Mumtozdan “Ramazon” qo‘shig‘i premerasi 
