Bir necha "Serial" da o‘zini sinab ko‘rgan Umidaxondan klip premerasi
Estradamizning eng sho‘x va shaddod qizi Umidaxon yangi qo‘shiq va videoklip tayyorlayotgani haqida xabar berib, fotoreportaj taqdim etgan edik. Mana bugun uzoq kutilgan kun keldi, xonanda “O‘zbegim taronasi” radiosida mehmon bo‘ldi. Premera dasturida bo‘lib o‘tgan ijodiy suhbat davomida Umidaxon yangi qo‘shiq va klip haqida batafsil to‘xtalib o‘tdi. Tinglovchilar diqqatiga havola etilgan yangi kompozisiyaning nomi “Serial”.
Unga ishlangan klip undan-da g‘aroyib ko‘rinishda yaratilgan. Klipda Umidaxon turli serial obrazlari, ya’ni Esmeralda, Jadi, Jassi hamda Tangem qiyofalarida namoyon bo‘ladi. Qolaversa klip jarayonida bir necha yillar davomida xalqimiz tomonidan sevib tomosha qilingan bir kator serial qahramonlari, shu jumladan Melisio, doktor Molaver, Hanuman, Jumong va boshqalarni uchratasiz.
Mazkur hazilomuz kompozisiya uchun klipmeyker Sarvar Karimov hamda operator Izzat Lutfullaev tomonidan videoklip tasvirga olindi. ''Serial'' nomli qiziqarli mavzuni qamragan mazkur ijod mahsulining so‘zi va musiqa muallifi Eldor Qayumov, aranjirovka ustasi esa Botir Alievdir.
Umidaxon ijodidan yana bir yangilik, ayni kunda Jasur Badalboyev hamda Eldor Qayumovlar bilan hamkorlikda ikkita yangi qo‘shiq ustida ish olib bormoqda.
Bugun esa yangi qo‘shiq va videoklipni tomosha qilib, zavqlaning.
Bir necha "Serial" da o‘zini sinab ko‘rgan Umidaxondan klip premerasi 
