Shaxdam qadamlar ila... Yaqindagina "Nihol" davlat mukofotiga sazovor bo'lgan istedodli ijodkor Umidaxon ijodga yanada jiddiy kirishgan. Umidaxon Eldor Qayumov musiqa va matni asosida bastalangan "Mambo" taronasini kuylab o'tdi. Botir Aliyev esa aynan ushbu tarona oranjirovkasini maromiga yetkazgan. Bundan tashqari ushbu tarona uchun Sarvar Karimov rejissyorligida klip ham suratga olindi. Bu hali hammasi emas. Umidaxon hozirda Shahnoz so'zi va musiqasi asosida bastalangan "Yonsin yurak" taronasi ustida ish olib bormoqda. O'ylashimizcha ijodkorning qo'lga kiritgan yutug'i ijodini yanada kuchaytirishga turtki bo'lgan ko'rinadi. Tez orada ijodkor yangi klip va taronalarini muhlislari hukmiga taqdim etishni rejalashtirmoqda.