Milliy va zamonaviy estrada yo‘nalishida kuylangan qo‘shiqlari bilan ko‘pchilikning dilidan joy olgan Umidaxon, har kuni ijodiy yangiliklar yaratish maqsadida izlanishda davom etmoqda. Uning sokin ohangdagi qo‘shiqlari qalblarga huzur bag‘ishlasa, sho‘x taronalari raqsga chorlaydi. Har bir ijod namunasi ustida taniqli va iste’dodli ijodkorlar bilan hamkorlik qilayotgan Umidaxon navbatdagi yangi kompozisiyasini premera etish arafasida.
“Sevishganlar” deb nomlangan mahzun taronaning so‘zi va musiqasi muallifi Eldor Qayumov, aranjirovka ustasi esa Jasur Badalboyev. Milliy estrada yo‘nalishida yaratilgan mazkur tarona uchun tez kunlarda videoklip suratga olish ishlari boshlab yuboriladi. Klipni tasvirga olishda Umidaxon doimiy ijodiy hamkorlari rejissyor Sarvar Karimov hamda operator Izzat Lutfullaevlarga murojaat etdi. Tez kunda suratga olish jarayonlaridan maxsus fotoreportaj taqdim etamiz.
Umidaxonning ijodida yana bir quvonchli voqea sodir bo‘lgani bilan muxlislarini xabardor etmoqchimiz. Xonandaning rasmiy fan klubi tashkil etilib, ayni kunlarda sevimli xonandasi bilan muloqotda bo‘lishni istagan muxlislar taklif etilmoqda. Umidaxoning ijodiga befarq bo‘lmagan va fan klubiga a’zo bo‘lishni istaganlar quyidagi (97) 7379662 telefon raqami bilan bog‘lanishlari mumkin.
Sherlock Holmes - soundtreck (offical)
Umidaxonning ijodida yana bir quvonchli voqea 
