24 martdan maktablarda faqat raxbarlar va qorovullar bo‘ladi
Ertadan, ya’ni 24 martdan, maktablarda faqat rahbarlaridan biri (direktor yoki o‘rinbosari) va qorovullar ish joyida bo‘lsa yetarli. Avval xabar berganimizdek ishda qolayotgan boshqa o‘rinbosarlar, psixolog, yoshlar yetakchisi o‘z ishlarini masofadan turib bajarishga o‘tadilar yoki o‘z xohishlariga ko‘ra ta’tilga chiqadilar. Uyda qolish va cheklovlarning muhimligi haqida Prezidentimiz topshiriqlariga ko‘ra Respublika komissiyasi tomonidan Koronavirusni tarqalishini kamaytirish bo‘yicha zudlik bilan choralar ko‘rilishi ba’zi insonlarga juda qat’iy choradek yoki vahimadek ko‘rinayotgani haligacha ko‘pchilik bu masalani qanday muhim ekanligiga yetarlicha e’tibor qaratmayotganini bildirmoqda. Chet ellik olimlar tomonidan shu grafik juda ko‘p muhokama etilmoqda, keling uni tushunishga harakat qilaylik. 1-holatda davlat tomonidan zudlik bilan qat’iy cheklovlar qo‘yilmasa, infeksiya tez tarqalib, kundalik kasallanganlar soni sog‘liqni saqlash tizimi imkoniyatlaridan juda ko‘p ortib ketishi mumkinligi ko‘rsatilgan. 2-holatda esa davlat tomonidan zudlik bilan qat’iy cheklovlar ko‘rilishi natijasida kundalik kasallanganlar soni juda tez ortmasligi sababli, kundalik kasallanganlar soni sog‘liqni saqlash tizimi imkoniyatlaridan oshib ketmasligi ko‘rsatilgan. Ikkala holatda umumiy kasallanganlar soni bir xil bo‘lgan taqdirda ham, birinchi holatdagidan ko‘ra ikkinchi holatda ko‘proq insonlarni hayoti saqlab qolinadi. Ba’zi iqtisodiy rivojlangan davlatlar birinchi holatlar aniqlanganda qat’iy choralarni ko‘rishga shoshilishmadi, keyin esa infeksiya birdan ko‘payib ketganda shunday rivojlangan sog‘liqni saqlash tizimiga ega bo‘lishsada, uni imkoniyatlari yetmay qolayotganini ham ko‘rib turibmiz. Shuning uchun, hukumatimiz tomonidan birinchi infeksiya aniqlangandan boshlanib ko‘rilgan va tizimli kuchaytirib borilayotgan barcha cheklovlarga rioya qilish juda muhimdir. PS.Uyda bo‘lgan vaqtingizdan unumli foydalaning, farzandlaringiz bilan birga ko‘proq kitob o‘qing.
24 martdan maktablarda faqat raxbarlar va qorovullar bo‘ladi 
