Karantinda o‘tkazilgan iftorlikda 30 kishi koronavirusga chalindi
Birlashgan Arab Amirliklarida COVID-19 koronavirusi tashxisi qo‘yilgan 30 nafar fuqaro oilaviy iftorda bir-birlarini yuqtirgan ikki oilaning a’zolari bo‘lgan. Bu haqda "azon.uz" yozmoqda. Birlashgan Arab Amirliklarining Sog‘liqni saqlash va profilaktika vazirligining ma’lumotlariga ko‘ra, 2020 yil 6 mayda 546 ta yangi infeksiya holati aniqlangan, yuqumli kasallikka chalinganlarning umumiy soni 15738 kishiga etgan. Koronavirus qurbonlari soni 157 kishi, 3359 nafar odam tuzalib ketgan. «30 ta yangi holat karantin va ijtimoiy masofa qoidalarini buzgan ikki oilaga tegishli. Virusga chalinganlar orasida ikki oylik chaqaloq va keksa oila a’zolari ham bor", - deyiladi vazirlik xabarida. Shuningdek, ular may oyida tiklanish dinamikasi yaxshilanganligini aytishdi: agar oldingi oylarda o‘rtacha 100 kishi tuzalib ketgan bo‘lsa, may oyida u 150 nafarni tashkil etdi. 12222 bemor BAA shifoxonalarida davolanishni davom ettiradi.
Karantinda o‘tkazilgan iftorlikda 30 kishi koronavirusga chalindi 
