So‘nggi paytlarda tinimsiz izlanishda, yangi qo‘shiqlar taqdim etib borayotgan xonanda Umidaxon bir mashmashaga aralashib qoldi...

Kuni kecha xonanda “Ummon” to‘yxonasida hamkasbi bilan gap talashib, urishib ketishgani haqida gap tarqadi. Guvohlarning aytishicha, Umidaxonni “raqibi” san’atga endi kirib kelgan xonandalardan biri Xadicha ekan. Kim birinchi to‘yxona sahnasiga chiqarkan deya ko‘tarilgan janjal mehmonlarning e’tiborini tortmasdan qolmadi. Hatto to‘y egasi ham aralashganini ta’kidlashyapti. Xo‘sh, xonandalar o‘rtasida nima gap-so‘z bo‘ldi, ular nima talashganini bilish uchun ular bilan bog‘landik.

Umidaxon: — Birinchidan, meni bundan gap-so‘z, mish-mishlarga aralashtirishlarini xohlamayman. Ikkinchidan “Ummon”ga borganimga ham ancha bo‘ldi. Uchinchidan xonanda Xadicha to‘ylarga umuman chiqmaydi. Bunday bo‘lmag‘ur gaplarni tarqatgan insonga insof bersin.

To‘yxonada navbat talashib, kim birinchi sahnaga chiqishi mening ishim emasligini ham alohida ta’kidlab o‘tish kerak. Bu masalalarni ma’murim hal qiladi.