Ma’lumki, Sarvar va Komil nafaqat yurtimiz bo‘ylab, balki, turli mamlakatlarda ham "Bir muhabbat qissasi" nomli kinokonsertlarini taqdim etishmoqda. Har bir manzilda yuqori darajada qarshi olinayotgan dastur bu safar Moskvada namoyish etildi. Ma’lumki, yurtimizda muxlislar "Bir muhabbat qissasi"ni yuqori kayfiyatda kutib olishdi. Kinokonsert anshlag tarzda o‘tishi odatga aylanib ham ulgurdi. 30 - iyul kuni Moskvada o‘tkazilgan konsert ham ko‘ngildagidek yakunlandi. Bu esa dilga yaqin, mehr-muhabbatga boy dasturga, qolaversa, Sarvar va Komilning ijodiga yuksak baho deya olamiz. Ular yana bir imtixondan o‘tishdi desak, mubolag‘a bo‘lmaydi. O‘zga yurtda, jonli ijrodagi konsert bilan muxlislarga quvonch ulashish va qalbiga yo‘l topish, birgalikda bir ovozda kuylash, ardoqlanish ijodkor uchun albatta eng katta baxtdir. Sarvar va Komilning ijodiga ulkan parvozlar tilab qolamiz. Hech ikkilanmay aytish mumkinki, keyingi manzillarda ham "Bir muhabbat qissasi" mana shunday yuksak saviyada o‘tkaziladi.