Qashqadaryoda odamlarni aldab, pul topishni yo‘lga qo‘ygan kichkina tabibning faoliyatiga chek qo‘yildi. Bu haqda bir qator internet nashrlari orqali axborot tarqatildi.
Ma’lum qilinishicha, Shahrisabzning Ommag‘on qishlog‘ida istiqomat qiluvchi Miraziz Sanaev turli usullar bilan tabib sifatida dong taratgan. Jumladan, mijozlar orasiga hamda uzoqdan kelganlar turadigan mehmonxonalarga o‘z odamlarini joylashtirib, ular haqida ma’lumot to‘plagan hamda shaxsiy uchrashuv chog‘ida shu ma’lumotlarni aytib berish orqali “karomat” ko‘rsatgan.
Bundan tashqari, puli yo‘q odamlarga kam miqdorda xayr-ehson qilish yo‘li bilan ular orqali o‘z shuhratini butun respublikaga yoya olgan. Tez orada uning oldiga nafaqat respublikaning barcha chetlaridan, balki qo‘shni respublikalardan ham mijozlar kela boshlagan.
Sanaev aldov yo‘li bilan bir kunda 1-1.5 mln, bir oy davomida 40-45 mln so‘m ishlagan. U go‘yoki biotok yordamida odamlarni davolagan. Buning uchun mijozlarning ko‘zini boylab, ularning boshini uch marta silagan yoki yelkasiga teginib qo‘ygan. Aslida esa, aniqlanishicha, bu harakatlarni ko‘p hollarda uning yordamchilari amalga oshirgan. Ba’zan to‘rt soatlab ko‘zi boylangan holda o‘tirishga to‘g‘ri kelgani bois bunday seanslarga homilador ayollar va bolalar kiritilmagan.
Tuman ichki ishlar boshqarmasi tomonidan bu holat sinchiklab o‘rganilib, tabibning faoliyatiga chek qo‘yildi. Surishtiruv ishlari boshlandi.
buni korib hamma hayratta buni hech kim bilmidi u bolada tabiblik hususiati bormi deb lekin nechtasi davo topti lekin bu gapi blan tabiblar yahshi diyomiman
Tabib-Na sarakiyo (soundtreck koreya)
Qashqadaryoda soxta tabib faoliyati fosh qilindi 
