O‘zbekistonda elektr velosipedlar ishlab chiqarish yo‘lga qo‘yildi
Namanganning Norin tumani markazi Haqqulobod shahrida faoliyat yuritadigan Norin mechanical plant korxonasi o‘tgan yildan boshlab ixcham elektr velosipedlar ishlab chiqara boshlagani ma’lum bo‘ldi. Bu haqda Turkiston-press axborot agentligi xabar bermoqda.
Transport vositasi kichik akkumulyator vositasida harakatga keltiriladi. Uning bir marta to‘la quvvatlantirilishi 30-40 km/soat tezlikda 50 km bosib o‘tishga yetadi.
Bugungi kunda korxona “Norin” belgisi ostida 6 turdagi bolalar va kattalar uchun velosipedlar ishlab chiqarmoqda. Oxirgi oyda 4 166 dona mahsulot ishlab chiqarilgan. Texnologik yo‘nalish ochilganidan beri bozorga 10 500 dona shu turdagi mahsulot chiqarilgan.
O‘zbekistonda elektr velosipedlar ishlab chiqarish yo‘lga qo‘yildi 
