6-mart kuni Beeline 2013-yilning IV choragi bo‘yicha moliyaviy va operatsion natijalarini e’lon qildi.

Dekabr oyining natijalariga ko‘ra, O‘zbekistondagi eng yirik aloqa operatori abonentlarining soni 10 518 000 ga yetdi. Yil davomida abonent shartnomalari sonining o‘sishi 324 000 yoki 3 foizni tashkil qildi.

Bir oy davomida bitta mobil abonentiga bo‘lgan o‘rtacha hisob (ARPU ko‘rsatkichi) IV chorakda 3 foizga, 5,5 dollarga qadar o‘sdi. Bunda MOU ko‘rsatkichi (bir oyda bitta abonent tomonidan foydalanilgan daqiqalar soni) chorak mobaynida 2 foizga, 493 daqiqagacha pasaydi (iyul—sentabr oylarida bu ko‘rsatkich 504 daqiqaga teng edi).

O‘zbekistonda EBITDA to‘g‘rilangan ko‘rsatkichi (asosiy vositalarning ishdan chiqishi, aktivlarning qadrsizlanishi bilan bog‘liq bo‘lgan nomoddiy aktivlar va zararlarning amortizatsiyasini hisoblashgacha bo‘lgan operatsion foyda) 2012-yilning IV choragiga nisbatan 18 foizga o‘sdi. Bundan tashqari yildan-yilga operatsiyalarning marjinalligi 3,5 foizlik punktdan ko‘pga o‘sdi.