![](http://www.tarona.net/_nw/17/s52449550.jpg)
"Bilayn-O’zbekiston” mobil aloqa operatori Toshkent shahri,
Toshkent va Sirdaryo viloyatidagi abonentlar uchun ogohlanirilmasdan yoqilgan
"Barcha uchun ovozli pochta” xizmatini o‘chirish USSD-kodini joriy etdi. Bu
haqda kompaniya saytida ma’lumotga tayanib "Kun” nashri xabar
qiladi.
![](http://www.tarona.net/_nw/17/s18687416.jpg)
Kompaniya saytidagi xizmat haqidagi sahifada ma’lumot
berilishicha, agar abonent kiruvchi qo‘ng‘iroqqa javob bermasa, "Barcha uchun
ovozli pochta xizmati” avtomatik tarzda ishlaydi. Biroq, ushbu xizmatdan
foydalanishni istamagan abonentlar o‘z telefonida ##61# kodini terib, xizmatni
o‘chirishi mumkin. Xizmatni qayta yoqish uchun **61*+998901850094# kodini
terishi kerak bo‘ladi.
Ma’lumot uchun, bungacha xizmatni faqatgina Beeline
kol-markaziga qo‘ng‘iroq qilib o‘chirish mumkin edi.
Eslatib o‘tamiz, "Barcha uchun ovozli pochta” xizmati
"Bilayn”ning yuqorida qayd etilgan hududlardagi abonentlar uchun 20-noyabr kuni joriy
etilgan edi. Kompaniya ushbu pulli xizmat haqida (har bir qoldirilgan ovozli
xabar haqi 3 sent) abonentlarni ogohlantirmagan edi va shu sabab ham
foydalanuvchilar tomonidan turlicha kutib olindi.
26-noyabr, seshanba kuni Facebook ijtimoiy tarmog‘i
foydalanuvchilari takliflaridan kelib chiqib, "Bilayn-O‘zbekiston” xizmatga bir
qator o‘zgartishlar kiritishga rozi bo‘lgani, jumladan, "yaqin vaqt ichida”
xizmatni o‘chirish uchun USSD-kodni joriy etishi ma’lum bo‘lgandi.