Xabar berib o‘tganimizdek, joriy yilning 17 iyul kuni "O‘zdunrobita” XK MChJning lisenziyasi 10 kunga to‘xtatilgan va 30 iyul kuni ushbu muddat yana 3 oyga uzaytirilgan edi. Shu bois, MTS O‘zbekiston savdo belgisi ostida xizma ko‘rsatuvchi mazkur uyali aloqa operatori mijozlari boshqa kompaniyalarga ulanishga majbur bo‘lishdi.

      Hozirda Ucell va Bilayn MTS O‘zbekistonning sobiq mijozlariga xizmat ko‘rsatmoqda. Lekin bir vaqtda minglab yangi mijozlarning oqib kelishi ushbu operatorlar ishini ham bir zum qiyinlashtirib qo‘ygani bor gap. Buni abonentlarning aloqa sifatidan shikoyat qila boshlashganidan ham bilish mumkin. MTS abonentlarining boshqa uyali aloqa operatori xizmatidan foydalana boshlaganlariga yaqinda bir oy bo‘ladi. Xo‘sh, ularga bu  qanchalik manzur bo‘lmoqda, yoki aksincha kim yangi operatori xizmatidan mamnun emas?

          Saytimizda o‘tkazilgan so‘rovnomada ishtirok etganlar aynan mana shu savollarga o‘z fikrlarini bildirishdi. Unga ko‘ra, ovoz berganlarning 667 nafari yoki 76.9% Ucell va Bilaynning MTS o‘rnini bosa olmayabdi, deb hisobyalaydi, aksincha 200 kishi yoki ovoz berganlarning 23.1% yangi operatori faoliyatidan mamnunligini bildirgan. Eslatib o‘tamiz, mazkur so‘rovnomada Afina.Uz saytining 867 nafar foydalanuvchisi ishtirok etgan.

Ucell va Beeline MTS ning o‘rnini bosa olayaptimi?   

Ha        200 (23.1%)     

Yo‘q      667 (76.9%)     

 JAMI OVOZLAR SONI: 867 ta.