GM Uzbekistan eksport bozorlarida inqirozga qarshi choralarni ko‘radi
GM Uzbekistan “O‘zavtosanoat» va GM Global bilan hamkorlikda kelgusida ichki va tashqi bozor uchun ishlab chiqariladigan avtomobillar safini kengaytirish, ularning mahalliylashtirish darajasini oshirish hisobiga inqiroz ta’sirini kamaytirish maqsadida maxsus kompleks choralarni amalga oshirmoqda.
Bu haqda GM Uzbekistan Operation prezidenti va boshqaruv direktori Xektor Villareal Toshkentdagi forumda ma’lum qildi.
“Ayni paytda biz, albatta asosiy importyorlarimiz orqali kechayotgan inqiroz ta’sirlariga duch kelmoqdamiz, ammo bozor tiklanmoqda”, - deya Sputnik agentligi Villareal so‘zlaridan iqtibos keltiradi.
Uning so‘zlariga ko‘ra, GM Uzbekistan mahalliylashtirish jarayonini rivojlantirishga katta e’tibor qaratgan.
“Hozirda ehtiyot qismlar yetkazib berayotgan yarmidan ko‘prog‘i O‘zbekistonda joylashgan bo‘lib, ular avtomobillar ishlab chiqarishda foydalanilayotgan 7500 detalning 40 foizga yaqinini tayyorlamoqda. Dunyo toifasidagi 1,2 va 1,5 litr hajmli dvigatellar ishlab chiqarayotgan GM Powertrain Uzbekistan zavodi kompaniyaning asosiy faxri hisoblanadi.
Ishlab chiqarish boshlangan 2012 yildan buyon quvvat 260 mingga qadar oshdi. Mahsulotlar O‘zbekistonda yig‘ilayotgan avtolar uchun qo‘llanilmoqda. Bundan tashqari, bir qism dvigatellar savdodan keyingi xizmatlarda foydalanish uchun AQShga jo‘natilmoqda”, - deya o‘z fikriga yakun yasadi GM Uzbekistan Operation prezidenti va boshqaruv direktori.
Ishq Ertagi - Title sound
GM Uzbekistan eksport bozorlarida inqirozga qarshi choralarni ko‘radi 
