Beeline aloqa operatori Facebook ijtimoiy saytidagi sahifasida "Hammasi xOKkey” tanlovini o‘tkazadi. Bu haqda Beeline matbuot xizmati xabar berdi.

11-fevraldan boshlab sahifa foydalanuvchilari XXII qishki Olimpiada o‘yinlaridagi barcha xokkey musobaqalari mobaynida har bir match hisobini oldindan aytib berishlari mumkin. 12-fevraldan 23-fevralgacha tanlov ishtirokchilari hisobiga sovrinli ballar hisoblanadi va ularning natijalariga ko‘ra g‘oliblar aniqlanadi.

"Xokkey — har doim kishini o‘ziga tortadigan sport turi hisoblanadi, — deydi Beeline’ning jamoatchilik bilan aloqa xizmati rahbari Oraz Abdurazakov. — Beeline Uzbekistan’ning Facebook’dagi o‘n minglab obunachilari bu musobaqalarni sabrsizlik bilan kutadi. Biz ularga dunyoning eng kuchli terma jamoalari uchun nafaqat ishqibozlik qilishni, balki tanlovda bizning devayslarimizni yutib olishni taklif etamiz”.

"Hammasi xOKkey” tanlovining g‘olibini asosiy sovrin – Samsung Galaxy S III mini smartfoni kutmoqda.