Apple bozor qiymati 3 trillion dollarga yetgan dunyodagi birinchi kompaniyaga aylandi. Bu haqda Nyu-York fond birjasidagi savdo ma’lumotlariga tayanib, Meduza xabar berdi.
![](/_nw/127/s48490685.jpg)
2022-yildagi ilk savdo kunining o‘rtasida Apple aksiyalari qariyb 3 foizga qimmatlashgan — qimmatli qog‘oz uchun 182,86 dollar. Keyinroq iPhone ishlab chiqaruvchining aksiyasi 182 dollardan tushib ketgan, natijada kompaniya kapitalizatsiyasi 3 trillion dollarlik marradan biroz tushgan.
2020-yilning avgust oyida Apple kapitalizatsiyasi tarixda birinchi bor 2 trillion dollardan oshgandi. Kompaniyaga 3 trillion dollarlik marrani zabt etish uchun 16 oyga yaqin vaqt kerak bo‘ldi. Bloomberg’ning yozishicha, bu butun Germaniya fond bozorlari hajmi yoki Buyuk Britaniya iqtisodiyotidan ko‘p demak.
Eslatib o‘tamiz, Apple 2019-yilning fevralida kapitalizatsiya bo‘yicha Microsoft’ni ortda qoldirgan edi. O‘shanda kompaniyaning kapitalizatsiyasi 806,6 milliard dollarni tashkil etgandi. Shu yilning yanvarida Alphabet’ning umumiy qiymati 1 trillion dollarga yetgan edi. 2020-yilning iyunida Apple kapitalizatsiya 1,5 trillion dollardan oshgandi.