Ўзбекистон Республикаси Президенти Ислом Каримов ташаббуси билан ўтказиб келинаётган "Ягонасан, Муқаддас Ватан" республика кўрик- танловининг Тошкент шаҳар босқичида Замзама фахрли 2-ўринни эгаллади.

Бу танловда Замзама "Ёшлар қўшиғи" (Салим Ашур сўзи, Дониёр Агзамов мусиқаси) номли қўшиғи билан иштирок этди. Танловда хонанданинг жонли ижро маҳорати таҳсин билан эътироф этилди. Замзаманинг бундай нуфузли тадбирда иштирок этиши у учун катта синов ва имтиҳон десак адашмаган бўламиз. Замзама тинмай ўз устида ишлаши келажакда унга кутилмаган шуҳрат ва ютуқлар олиб келиши бобида умид ҳиссини уйғотади.