14-fevral kuni "O‘zbekiston” mehmonxonasida iqtidorli xonanda Sevara Nazarxonning konserti bo‘lib o‘tadi. Ushbu yangilikni xonanda o‘zining Facebook’dagi sahifasida e’lon qilgan.

Avval aytib o‘tganimizdek, Facebook’da Sevara Nazarxon haqidagi yangiliklar juda mashhur: bu xabar ham 1355 ta Like yig‘ib, 60 marta bo‘lishilgan.

Unda fikr bildirganlar Sevaraning yana Toshkentda konsert berishidan xursand ekanligini va, albatta, tashrif buyurishlarini ta’kidlashgan. Shu bilan birga muxlislar konsertning faqatgina bir kun bo‘lishiga e’tiroz bildirgan. Shuningdek, foydalanuvchilar Sevarani dunyoning boshqa Ostona, Nyu-York, Los Anjeles kabi shaharlariga ham taklif qilgan. 

Eslatib o‘tamiz, xonanda Sevara Nazarxonning 20-dekabr kuni "Istiqlol” san’at saroyida bo‘lib o‘tgan "E’tirof-2013” taqdirlash marosimidagi ishtiroki katta shov-shuvga sabab bo‘lgan edi.