Rossiyalik xotinini jomadon ichida chegaradan o‘tkazmoqchi bo‘ldi
Rossiyalik xotinini jomadonida chegaradan olib o‘tmoqchi bo‘lgan Fransiya fuqarosini Terespol—Brest chegara o‘tish joyida polshalik chegarachilar qo‘lga oldi, deya xabar bermoqda “Rossiyskaya gazeta”.
Moskva—Nitssa yo‘nalishidagi xalqaro poyezdni tekshirish chog‘ida chegarachilar jomadon ichida ayol kishi borligini aniqlagan.
Ma’lum bo‘lishicha, Fransiya fuqarosi shunday usul bilan Yevropa ittifoqiga o‘z xotini — Rossiya fuqarosini olib kirmoqchi bo‘lgan.
Er-xotin Terespoldagi chegara soqchiligi bo‘limiga keltirildi. Davlat chegarasini noqonuniy ravishda kesib o‘tishga uringani uchun ular uch yilgacha ozodlikdan mahrum etilishi mumkin.
Rossiyalik xotinini jomadon ichida chegaradan o‘tkazmoqchi bo‘ldi 
