Oʼzbekistonda vabo kasalligi aniqlangani haqidagi xabarlar yolgʼon - Nurmat Otabekov
Oʼzbekistonda vabo kasalligi aniqlangani haqidagi xabarlar yolgʼon - Nurmat Otabekov
Oʼzbekistonda vabo kasalligi aniqlangani haqidagi xabarlar yolgʼon. Bu haqda АOKАda oʼtkazilayotgan brifingda Sanitariya-epidemiologik osoyishtalik va jamoat salomatligi xizmati boshligʼi oʼrinbosari Nurmat Otabekov maʼlum qildi.Uning soʼzlariga qaraganda, bu kasallik biror marta mamlakat hududida qayd etilmagan.
Maʼlum qilinishicha, Аfgʼonistonda aniqlangan vabo kasalligi Oʼzbekistonga kirib kelgani haqida tarqalgan maʼlumotlar mutlaqo yolgʼon. Oʼzbekistonda shu paytga qadar biror marta vabo kasalligi aniqlanmagan.
Bundan oldin aholi orasida ichimlik suvi quvurlari va joʼmraklar orqali vabo kasalligi tarqalishi mumkinligi toʼgʼrisida turli mish-mishlar tarqalgandi.
«Oʼzsuvtaʼminot» korxonasi fuqarolardan bu kabi yolgʼon xabarlarga ishonmaslikni va joʼmraklardan suv ichmaslik toʼgʼrisidagi chaqiriqlarga quloq solmaslikni soʼragan.
Bildirilishicha, ichimlik suvi sifati respublikadagi 79 ta laboratoriya tomonidan kun-u tun har tomonlama nazorat qilinadi. Suv tarmoqlari yoki joʼmraklar orqali biron-bir kasallik tarqalishiga yoʼl qoʼyilmaydi.
Ishq Jodusi-soundtreck
Oʼzbekistonda vabo kasalligi aniqlangani haqidagi xabarlar yolgʼon - Nurmat Otabekov 
