O‘zbekistonda diniy ekstremistik tashkilot faoli qamaldi
Jinoiy ishlar bo‘yicha Toshkent shahar sudi diniy ekstremistik, separatistik, fundamentalistik tashkilotlarni tuzgani, ularga rahbarlik qilgani va faoliyatida ishtirok etgani sababli Elyor Baratovni olti yil muddatga ozodlikdan mahrum qildi.
12news.uz`ning shahar sudidagi axborot manbasiga asoslanib xabar qilishicha, Baratov 2007 yilda Rossiyaning Grozniy va Xavasyurt shaharlarida tandir noni yopiladigan nonvoyxonada ishlash jarayonida Davron ismli Qirg‘iziston fuqarosining ta’siriga tushadi.
“Baratov boshqa muhojirlar bilan birga ekstremistik ruhdagi diniy adabiyotlarni o‘rganishga tushadi. U, shuningdek, Javlonbek Artikov rahbarligi ostidagi ekstremistik tashkilotga sadoqat izhor qiladi. 2012-2014 yillarda u surxondaryolik Lutfullo Zoirov, Shahobiddin Bo‘taev va Abdusalim Xaydarovga murabbiylik qiladi.
2014 yilning 1 fevralida Baratov yangi pasport olish maqsadida “Boku-Toshkent” reysi bilan Vataniga qaytib keladi. Farg‘ona viloyatining Avval qishlog‘ida yashab turib, o‘z tarafdorlari bilan aloqani uzmaydi. Andijonda Javlonbek Artikov bilan uchrashib, o‘z telefoniga O‘zbekistonda Konstitusion tuzumni o‘zgartirishga chaqiruvchi ekstremistik materiallarni o‘tkazib oladi.
2014 yilning iyulida Toshkentdan Bokuga parvoz qilish oldida undan deklaratsiya qilinmagan advance micro 2gb telefon flesh-kartasi, “nokia e 72” rusumli telefon, “Ritmix RMD-1035″ markali planshet va “SanDisk” adapteri olib qo‘yiladi. Olib qo‘yish jarayonida Baratov adapterni tishlab, ishdan chiqaradi. Diniy ishlar bo‘yicha qo‘mita ekspertlari xulosasiga ko‘ra, flesh-karta xotirasida O‘zbekistonda taqiqlangan diniy-ekstremistik materiallar mavjudligi aniqlandi”, - deya oydinlik kiritdi agentlik suhbatdoshi.
Saroy Javohiri-Soundtreck7
O‘zbekistonda diniy ekstremistik tashkilot faoli qamaldi 
