Prezident Shavkat Mirziyoev «Ish haqi, pensiyalar, stipendiyalar va nafaqalar miqdorini oshirish to‘g‘risida»gi Farmonni imzoladi.

Farmonga ko‘ra, 2019 yilning 1 avgustidan boshlab byudjet muassasalari va tashkilotlari xodimlarining ish haqi, pensiyalar, stipendiyalar hamda nafaqalar miqdori 1,1 baravar oshiriladi.

Shuningdek, 2019 yilning 1 avgustidan boshlab O‘zbekiston Respublikasi hududida eng kam:

- ish haqi – oyiga 223 000 so‘m;

- yoshga doir pensiyalar – oyiga 436 150 so‘m;

- bolalikdan nogironligi bo‘lgan shaxslarga beriladigan nafaqa – oyiga 436 150 so‘m;

- zarur ish stajiga ega bo‘lmagan keksa yoshdagi va mehnatga layoqatsiz fuqarolarga beriladigan nafaqa oyiga 267 650 so‘m miqdorida belgilandi.