Navoiy viloyati huquqni muhofaza qilish organlari Xatirchi tumanidagi Maydonsoy qishlog‘idagi uylardan birida o‘tkazilgan tintuv vaqtida 157 novda narkotik o‘simlikni topishdi. Bu haqda 12news.uz xabar bermoqda.
Tergov davomida ushbu xonadonda istiqomat qilayotgan oilaning barcha a’zolari – 70 yoshli ota, 50 yoshli ona va ularning besh nafar farzandi giyohvand moddalar savdosi bilan shug‘ullanib kelgan.
Sudda oila boshlig‘i salomatligi yaxshi emasligi, doriga esa pul topolmagani, shu sabab shu ishga qo‘l urganini aytgan. Bundan tashqari, u o‘zi ham vaqti-vaqti bilan narkotiklar iste’mol qilganini tan olgan.
Xabar berishlaricha, sud 70 yoshli otani 12 yilga, 50 yoshli onani esa 11 yilga ozodlikdan mahrum etish haqida hukm chiqargan.
O'zga Sayyoralik Mahbubim - Lyn My Destiny
Navoiyda er-xotin narkosavdogarlar sud qilindi 
