Xitoy kompaniyasi "Navoiy” erkin industrial-iqtisodiy zonasida Puyang Sanshun Commerce Co. Ltd. korxonasi UzHongKong MChJni tashkil qildi. Korxona "Zamonaviy mobil telefonlar, planshet kompyuterlari, noutbuk va televizorlar ishlab chiqarishni tashkil qilish” investitsion loyihasini amalga oshirish maqsadida yaratildi.  Bu haqda UzDaily nashri xabar berdi.

UzHongKong MChJ ChEK investitsion loyihaning birinchi bosqichida 3,8 million AQSh dollari hisobida sarmoya kiritadi. Loyihani amalga oshirish davomida ishlab chiqarishni mahalliylashtirish, shuningdek, yangi ish o‘rinlarini yaratish nazarda tutilgan.