Angliyaning “Manchester Yunayted” jamoasi hujumchisi Krishtianu Ronaldu faoliyatini Yevropaning grand klublari safida davom ettirishi mumkin.

“Sky Sports” nashri jurnalisti Florian Plettenberganing soʻzlariga koʻra, PSJ xoʻjayinlari Krishtianu Ronalduni jamoaga jalb qilish variantini koʻrib chiqmoqda. Ayni paytda parijliklar rahbariyatida jamoani yoshartirish kerak, deb hisoblaydiganlar bor, biroq 37 yoshli portugaliyalik esa bu falsafaga toʻgʻri kelmaydi.
“Chelsi” xoʻjayini Todd Boeli ham Krishtianuga qiziqish bildirmoqda. Taxminlarga koʻra, Ronaldu “Manchester Yunayted” bilan shartnomasini bekor qilishi va yanvarda erkin agent sifatida ketishi mumkin.

Eslatib o‘tamiz, kecha portugaliyalik yulduz shov-shuvli intervyu berdi, shundan soʻng uning “qizil iblislar” safini tark etishi deyarli aniq boʻlib qoldi.