Bir necha yillar avval jahonga mashhur “Accent” guruhi bilan hamkorlikda yaratilgan “All alone” taronasi xit darajasiga ko‘tarilgani sir emas. Bu qo‘shiq nafaqat yurtimizda, balki Yevropa va boshqa chet mamlakatlarda ham shuhrat qozonishga muvaffaq bo‘lgani o‘zbek shou-biznesi uchun faxrdir.
Buxarestning “Mango records” kompaniyasi ana shu taronaning omadidan ilhomlangan holda maftunkor xonandamiz Shahzodaga yana bir yirik loyihada ishtirok etish uchun taklif berdi.
Mazkur kompaniya Shahzodaning ijodini Yevropada yanada ommalashtirish maqsadida yangi qo‘shiq yozish taklifini bildirdi.
Shu tariqa, Shahzoda tomonidan yangi “Mon cheri” (“Moy dorogoy”) deya nomlangan saund yaratildi. “Mango records” kompaniyasi tomonidan taqdim etilgan bu qo‘shiqning mualliflari va prodyuseri “Accent” guruhining sobiq vakili Gruia Mihai va Dorian Oswin hisoblanadi.
Qo‘shiq ikki tilda, ya’ni ingliz va fransuz tillarida kuylangan bo‘lib, 25-mart kuni uning xalqaro premerasi bo‘lib o‘tadi.
Bundan tashqari, bu qo‘shiq uchun mamlakatimizning mahoratli klipmeykerlaridan hisoblangan Timur Primqulov tomonidan videoklip ham suratga olingan bo‘lib, klip aynan 25-mart sanasida eksklyuziv ravishda taqdim etiladi.
“Mon cheri” qo‘shig‘ini iTunes, Amazon, Google Music portallari orqali yuklab olish, videoklipni esa YouTube orqali tomosha qilish va yuklab olish mumkin bo‘ladi. Bu klip ko‘plab mamlakatlarning turli musiqiy kanallari orqali namoyish etilishi ham mo‘ljallangan.
Titanik-soundtreck
Shahzoda Yevropada ham mashhurlikka erishmoqda 
