Jeki Chan birinchi xitoy-hind filmini suratga oladi
Xitoylik mashhur aktyor Jeki Chan Hindistonga o‘zining yangi “Kung-fu yoga” filmini suratga olgani keladi. Bu haqda u Hindistonning IANS (Indo-Asian News Service) axborot agentligiga bergan intervyusida aytib o‘tdi.
Film Xitoy va Hindiston hamkorligida olinadigan birinchi film bo‘ladi. Tegishli kelishuvga o‘tgan yilning sentabr oyida Nyu-Dehliga Xitoy rahbari Si Szinpin kelganda erishilgan edi. Film syujeti va uning ekranlarga chiqarilishi sanasi ma’lum qilinmagan. Shu narsa ma’lumki, film Channing ko‘pchilik filmlari (“Tangri qurol-yarog‘lari”, “Polisiya voqeasi”) kabi komediya va jangari sahnalarga boy bo‘ladi.
Channing aytishicha, “Kung-fu yoga” filmining suratga olish ishlari kuzda boshlanishi mumkin. Aktyor agar unga qiziq ssenariy taklif etilsa, Bollivudda ham suratga tushishi mumkinligini bildirib o‘tdi. “Men kinoni Bollivud yoki Gollivudga ajratmayman. Men uchun asosiysi ssenariy yaxshi bo‘lishi kerak”, deb aytdi Chan.
Jeki Chan hind kino ustalari bilan birgalikda ishlash tajribasiga ega. U 2005 yilda “Afsona” filmida hind akstrisasi Malika Sharofat bilan birga suratga tushgan.
Yaqinda Hindiston ekranlariga Chan bosh rol o‘ynagan “Ajdarho qilichi” filmi chiqdi. Film voqealari Qadimiy Xitoyda, Xan sulolasi hukmronlik qilgan davrlarda bo‘lib o‘tadi. Filmda Chan bilan birga Gollivud aktyorlari Jon Kyusak (“2012″) va Edrien Broudi (“Pianinachi”) rol ijro etgan.
Qirol va Kanizak - Soundtreck
Jeki Chan birinchi xitoy-hind filmini suratga oladi 
