Javohir Zokirov: “Sotqin” filmining davomi suratga olinishi mumkin
Taniqli kinoakter Javohir Zokirov “Sotqin” filmining davomi suratga olinishi mumkinligini bildirdi.
Uning aytishicha. ushbu filmdagi G‘ulom obrazi ijro etar ekan, bunaqa odamlarni sodda, dovdir qilib ko‘rsata olmasligini ta’kidladi.
“Chunki bunday ifloslar odamlarni juda yaxshi biladigan psixolog bo‘lishadi. Xo‘sh, G‘ulomni o‘ta olifta qilib ko‘rsatganimizning sababi nima? Xalqimiz bilsin bu odamlar qanday qilib ichimizga kirib olishiyu, qanday qilib ishini bajarib ketishini. Hayotda eng kuchli odamlar eng oddiy odamlar bo‘lishadi. Kuchlilar G‘ulomga o‘xshab spektakl qo‘yib birovlarning ustidan kulmaydi. Bugun yoshlarimiz ko‘pincha odamlarning mashinasi, gapiradigan gapi, puliga e’tibor beradi, aslida esa odamning ichki
dunyosiga e’tibor berish kerak. G‘ulom obrazi orqali “odamlar, ogoh bo‘linglar, bunaqa ifloslarga aldanmanglar, bularning oxiri voy” demoqchi edim”, – deydi “Darakchi” nashriga intervyuda Zokirov.
U filmda G‘ulomni qamoqqa olmasdan, qochirib yuborishdan maqsad nima ekanligiga oydinlik kiritdi.
“Filmda G‘ulom qo‘lga tushganida ancha ishonarsiz bo‘lib qolishi mumkin edi. “Shunday odamlar haliyam oramizda yuribdi, ulardan ogoh bo‘linglar” degan maqsadda uni “qochirib yubordik”. Ko‘pgina muxlislar filmning davomini kutishyapti. Bilmadim, ehtimol davomi ham bo‘lishi mumkin”, – deydi kinoaktyor.
1. Hayotda eng kuchli odamlar eng oddiy odamlar! 2. Odamning ichki dunyosiga e'tibor berish kerak! Javohir akani mana shu 2ta gapiga 100% qo'shilaman. Qizla silaga 1ta maslahat: o'zilaga umr yo'ldosh(er) tanlavotganilada hech qachon tashqi ko'rinishiga yoki puli-davlatiga uchmela. "Shoshgan qiz erga yolchimas" diyishadi. Yana o'zila bilasila-yu, extiyot bo'lila dimande... Manimcha man Farzimni bajardim!!!
Qalbim Chechagi-soundtreck
Javohir Zokirov: “Sotqin” filmining davomi suratga olinishi mumkin 
