Noodatiy yo‘nalishdagi qo‘shiqlari va kliplari orqali ko‘plab yuraklarni zabt etishga erishgan Jasur Umirov yana bir yangi ijodiy ishini bugun "O‘zbegim Taronasi" radiosi orqali taqdim etdi.
Sho‘x ohangdagi yangi tarona "Erkatoy" deya nomlanadi. Qo‘shiq Jasur Umirovning g‘oyasi asosida yaratilgan bo‘lsa, unda "xonanda erkatoy qizlardan aziyat chekibdi" deya xulosa qilish mumkin.
Raqsbop taronaning musiqasini Temur Rahmon bastalagan, matnini esa Zafar Qodirov yozgan. FM 101.00 to‘lqini uzra ilk marotaba qo‘shiq yangragach, tinglovchilarning fikrlari qabul qilindi. Qo‘ng‘iroq qilgan barcha tinglovchilar bir ovozda bu taronaga a’lo baho berishganini alohida aytish zarur.
"Erkatoy" kabi sho‘x yo‘nalishdagi taronalar tashrif qog‘oziga aylanib qolgan Jasur Umirovning muxlislari bu qo‘shiq uchun klip ham suratga olish taklifini bildirishdi. Bu taklifga tez orada oydinlik kiritishga va’da beramiz.
Xozircha esa "Erkatoy" taronasini tinglab, baho berishingiz mumkin. O‘z fikrlaringizni ham qoldirishni unutmang!
Saroy Javohiri - Soundtreck
Jasur Umirovdan yangi taronani qarshi oling! 
