Shou-biznes olamiga kirib kelganiga ko‘p bo‘lmagan bo‘lsada, o‘zining noodatiy yo‘nalishi bilan xalqimiz nazariga tushgan Shoxzamon navbatdagi ijod mahsulini bugun “O‘zbegim Taronasi” radiosi orqali taqdim etdi. “Jasur Umirov” deb nomlangan ushbu kompozisiya tinglovchilar tomonidan iliq kutib olindi.
Estradamizning maftunkor xonandasi Shahzoda haqidagi qo‘shiq premerasidan so‘ng, keyingisi Jasur Umirovmi yoki Shohruhxon deya tanlov e’lon qilingan edi. Unga ko‘ra qaysi ijodkorni muxlislari faol bo‘lsa, o‘sha haqida qo‘shiq yaratilishi aytib o‘tilgandi. Jasur Umirovni muxlis va muxlisalari faol chiqdi va Shoxzamon Jasur Umirov haqida qo‘shiq kuylashga ahd qildi.
Qo‘shiqni Jasur Umirov eshitib ko‘rganida “Bunaqasini kutmagandim. Juda zo‘r chiqibdi. Yo‘li ajoyib bo‘libdi” - deb o‘ziga juda yoqqanini alohida ta’kidladi. Bu qo‘shiqqa ham klip g‘oyasi allaqachon o‘ylab qo‘yilgan. Taronaningmualliflariga to‘xtaladigan bo‘lsak, so‘zi va musiqasi Shoxzamonga tegishli. Aranjirovkasi ustida Shoxruz ish olib borgan. Ayni damda siz saytimiz orqali mazkur musiqiy asarni tinglab baho berishingiz mumkin.
Shoxzamondan kutilmagan tarona –“Jasur Umirov” 
