Shou-biznes olamida noodatiy yo‘nalishga ega bo‘lgan xushovoz xonanda Jasur Umirov qizg‘in ijod pallasida. Ayni damda u muxlislari uchun bir qator kompozisiya va kliplar ustida ishlamoqda. Ulardan biri ya’ni “Kabutarim” deb nomlangan taronasiga ishlangan videoklipi tayyor bo‘ldi va xonanda bugun saytimiz orqali namoyish qilmoqda.
Zafar Qodirov so‘zi va musiqasi bilan yaratilgan bu qo‘shiqning aranjirovkasini Temur Rahmonov amalga oshirgan. Jasur Umirov ushbu musiqiy asarga Narimon Sultonxo‘jaev bilan hamkorlik qildi.
Bu hali hammasi emas. Xonanda joriy yilning dekabr oyida o‘tkazilishi rejalashtirilgan yakkaxon konsert dasturiga tayyorgarlik ishlarini ham boshlab yuborgan. Shuningdek, mazkur dasturida muxlislariga yangi albom taqdim etish niyatida. Ayni damda albomni yozish ishlari ustida ham qizg‘in jarayon ketmoqda. Ayni damda siz saytimiz orqali “Kabutarim” taronasining videoklipini tomosha qilish va baho berish imkoniga egasiz.
Jasur Umirovdan yangi videoklip “Kabutarim” 
