Avvalroq, O‘zbekiston Respublikasi Prezidenti huzuridagi O‘zbekiston Respublikasining Birinchi Prezidenti Islom Karimov nomidagi ilmiy-ma’rifiy yodgorlik majmuasining rasmiy sayti – “islamkarimov.uz” va “islomkarimov.uz” ish boshlagani haqida xabar bergan edik.

Ushbu saytdagi materiallar o‘zbek, ingliz va rus tillarida taqdim etilgan bo‘lib, sayt “UZINFOCOM” kompyuter va axborot texnologiyalarini rivojlantirish hamda joriy qilish markazi mutaxassislari ko‘magida ishlab chiqilgan.

Sayt internet foydalanuvchilariga O‘zbekiston Respublikasi Birinchi Prezidenti Islom Karimovning hayoti va faoliyati bilan batafsil tanishish uchun qulay imkoniyat taqdim etayapti.

Shuningdek, O‘zbekiston Respublikasining Birinchi Prezidenti Islom Karimov tavalludining 80 yilligiga bag‘ishlangan “birinchi-prezident.uz” sayti ham ishga tushirildi.

Saytdan Islom Karimov asarlari to‘plami, ibratli so‘zlari va Birinchi Prezident haqidagi xotiralar o‘rin olgan.

Siyovush To‘raxo‘jaev