Haftada besh kun ishlaydigan o‘zbekistonliklar dekabrda bir soat ko‘p ishlaydi
O‘zbekiston Respublikasi Prezidenti Islom Karimov 2015 yil 5 dekabr shanba — dam olish kunini 2015 yil 7 dekabr dushanba kuniga ko‘chirish to‘g‘risidagi qarorni imzolagan edi. Unga ko‘ra, 2015 yil 5 dekabr shanba dam olish kuni 2015 yil 7 dekabr dushanba kuniga ko‘chirilib, 2015 yil 5 dekabr shanba kuni ish kuni deb e’lon qilindi.
O‘zbekiston Respublikasi Mehnat va aholini ijtimoiy himoya qilish vazirligining bergan ma’lumotlarga ko‘ra, besh kunlik ish haftasiga ega, shanba va yakshanba dam olish kuni bo‘lgan ishchi-xodimlar esa ushbu sanada hordiq chiqarishlari mumkin. 2015 yil 5 dekabr O‘zbekiston Respublikasi Mehnat kodeksining 121- moddasi talablariga muvofiq kelmagani, ya’ni shanba bayram arafasi sanalmagani uchun 2015 yil dekabr oyi uchun belgilangan ish me’yori 1 soatga uzaytiriladi. Mos ravishda 2015 yilning to‘rtinchi choragi, 2015 yilning yarim yilligi va to‘liq 2015 yil uchun belgilangan ish me’yori ham bir soatga uzaytiriladi.
Haftada besh kun ishlaydigan o‘zbekistonliklar dekabrda bir soat ko‘p ishlaydi 
