«GM Uzbekistan» ishlab chiqarish quvvatini 20 foizga oshiradi
«GM Uzbekistan» AJ 1 yilda ishlab chiqariladigan mashinalari hajmini 250 ming donadan 300 ming donagacha oshirishni rejalashtirmoqda. Bu esa 20 foizlik o‘sish demakdir. Bu haqdagi ma’lumot 27 oktyabrdan 2 noyabrgacha bo‘lgan kunlarda "O‘zekspomarkaz" milliy ko‘rgazmalar majmuida o‘tkazilgan IX Xalqaro sanoat yarmarkasi va kooperatsiya birjasi ko‘rgazma-konferensiyasi vaqtida aytildi.
Taqdimot vaqtida «GM Uzbekistan» kompaniyasining ishlab chiqarish salohiyati haqida ma’lumot berilgan.
Ayni vaqtda kompaniya tarkibida 3ta zavod mavjud (Andijondagi "Asaka" zavodi, Toshkentdagi va Xorazmdagi zavodlar).
Asakadagi zavodda «Matiz», «Nexia», «Cobalt», «Lacetti», «Spark» avtomobillari yig‘iladi. 2016 yilda yangi T250 modelini yig‘ish ishlarini yo‘lga qo‘yish rejalashtirilgan.
Rejaga ko‘ra bu zavodning ishlab chiqarish quvvati yiliga 250 mingta avtomobilgacha oshiriladi.
Toshkentdagi ishlab chiqarish korxonasida esa yiliga 10 ming dona «Captiva» va «Malibu» avtomobillari yig‘iladi.
Xorazmning Pitnak shahridagi zavodda yiliga 40 ming dona «Damas», «Labo» va «Orlando» avtomobillarini tayyorlash mo‘ljallangan.
Qayd etish kerakki, ayni vaqtda «GM Uzbekistan» tarkibidagi korxonalarda 7,5 ming kishi faoliyat ko‘rsatadi.
Ishq Jodusi - All I want
«GM Uzbekistan» ishlab chiqarish quvvatini 20 foizga oshiradi 
