Австриялик тадқиқотчилар "Facebook” ижтимоий тармоғида ўз аккаунтини ўчириб ташлаган Интернет фойдаланувчиларининг нега бундай қилганликларини аниқланди.

Вена университети олимларининг фикрича, 48 фоиз ҳолатда бунга шахсий маълумотларнинг хавфсизлиги сабаб бўлган. Шунингдек, тармоқдан қониқмаслик, "Facebook”га боғлиқликдан халос бўлиш истаги ҳамда айрим виртуал танишларнинг инсон асабига тегиши каби яна қатор сабаблар ҳам бунга сабаб бўлган. 

Бу борада олиб борилган ижтимоий сўровда ўз аккаунтини ўчириб ташлаган 310 нафар киши ва 321 нафар фаол фойдаланувчи иштирок этди. Натижаларга кўра, "Facebook”ни тарк этган фойдаланувчилар бошқаларга нисбатан онглироқ, аммо интернетга қаттиқ боғланиб қолган инсонлар экани маълум бўлди.