Dmitriy Medvedev rublning yaqin orada mustahkamlanishiga va’da berdi
Rossiya bosh vaziri Dmitriy Medvedev o‘rta muddatli istiqbolda rubl kursi milliy valyutaning oxirgi qadrsizlanishigacha bo‘lgan darajaga qaytishiga ishonch bildirdi.
“Albatta, biz hukumat sifatida Markaziy bankka qo‘shimcha valyuta tushumlarining kelishi borasida yordam beramiz. Fikrimcha, yaqin orada valyuta eksportchilarimiz tomonidan qo‘shimcha valyuta savdolari bo‘ladi va bu ham rublning kotirovkalariga o‘zining ijobiy ta’sirini ko‘rsatadi”, deb javob berdi Medvedev Iturup oroliga tashrifidan keyin o‘tkazilgan matbuot-anjumani davomida jurnalistlarning rublning kelajagi haqidagi savollariga javoban.
Medvedev Markaziy bank bilan birga aniq kelishilgan choralar to‘plamini amalga oshirish rejalashtirilganini aytdi.
Shu bilan birga Medvedev rubl uchun yuzaga kelgan nomaqbul sharoit ob’ektiv bo‘lib, neft narxlarining pasayishi bilan bog‘liqligini ta’kidlab o‘tdi. “Bu vaziyatga bir martalik harakatlar bilan javob berib bo‘lmaydi – bu bema’no urinishlar bo‘ladi”, deb qo‘shimcha qilib o‘tdi Medvedev.
Medvedev bugungi kunda hukumat esportchilar tomonidan valyuta tushumi savdosini nazorat qilishni amalga oshirishga yana qaytishi haqidagi jurnalistlarning savoliga u quyidagicha javob berdi: “Biz bu nazoratni kelajakda ham bo‘shashtirmaymiz, chunki bular iqtisodiyotning holatiga ta’sir qiluvchi muhim narsalardir”, deb javob berdi.
Dmitriy Medvedev rublning yaqin orada mustahkamlanishiga va’da berdi 
