“Dahshatning o‘zginasi”: Parij terrorchilar hujumiga uchradi
13-noyabr, juma kuni kechqurun Parijda bir yo‘la bir nechta terakt sodir bo‘lgach, Fransiya prezidenti Fransua Olland xalqqa murojaat qilib: “O‘nlab kishilar o‘ldirildi, ko‘plar yaralandi. Bu dahshatning o‘zginasi”, — dedi. Bu haqda “TASS” xabar bermoqda.
Voqea: Parijdagi teraktlar
Teraktlar haqidagi birinchi axborot Stade de France stadionidan kelib tushdi. Bu vaqtda Fransiya va Germaniya terma jamoalari o‘rtasida o‘yin bo‘layotgan edi. Tribunalarda 80 ming tomoshabin bo‘lgan. Matchda Fransiya prezidenti ham ishtirok etayotgan bo‘lgan.
Parijning 11-okrugidagi Bataclan konsert zalida esa 100 ga yaqin kishi garovga olingan. Konsert zaliga qilingan shiddatli hujumda ikki terrorchi o‘ldirildi, o‘nlab garovdagilar halok bo‘ldi.
OAVlar xabariga ko‘ra, teraktlar Parijning 6 ta tumanida sodir etilgan.
Xalqqa qilgan telemurojaatida Olland butun mamlakat hududida favqulodda holat rejimi joriy qilinishi, shuningdek, davlat chegaralari yopilishi haqida qaror qabul qilinishini aytdi. Eslatib o‘tamiz, Fransiya poytaxti Parijdagi teraktlar qurbonlari soni 150 kishidan oshdi.
Tabib-He yo Jin hikyo (soundtreck koreya)
“Dahshatning o‘zginasi”: Parij terrorchilar hujumiga uchradi 
