Android aqlli soatlari uchun ilk o‘yin ishlab chiqarildi
Google Play’da aqlli soatlar uchun alohida bo‘lim tashkil etilgani va developerlar unga o‘z dasturlarini yuklay boshlagani haqida avval xabar bergan edik. Bundan ko‘p o‘tmay ushbu bo‘limga ilk o‘yin yuklangani haqida TechCrunch sayti xabar berdi.
U Android smartfonlarida o‘ynaladigan Flappy Bird, “Uchar ketmon” o‘yinlariga o‘xshaydi.
Aqlli soatlar uchun mo‘ljallangan o‘yin Flopsy Droid nomi ostida Google Play’dan o‘rin egallagan. Ushbu o‘yinda qush emas, Android belgisi harakatlanadi.
O‘yin muallifining so‘zlariga ko‘ra, Flopsy Droid hozir sinov holatidadir. Shuningdek, o‘yinni boshlash uchun aqlli soatga “Okay Google – start Flopsy Droid” (Qani, Google, Flopsy Droid’ni boshla), deya ovozli buyruq ham berish mumkin.
O‘yinda kamchiliklar bo‘lishi mumkin, lekin bu hali boshlanishi. Chunki bu platforma o‘yin ishlab chiqaruvchi developerlar uchun yangi jang maydoni, deyiladi xabarda.
Android aqlli soatlari uchun ilk o‘yin ishlab chiqarildi 
