"Days.ru" nashri Alla Pugachyova hamda Maksim Galkin egizaklari Garri va Lizining maktabda tahsil olishi uchun qancha mablag‘ to‘lashi haqida xabar berdi.

Bu mashhurlarning farzandlari keyingi yil 1-sinfga qadam qo‘yishadi. Alla Pugachyova "Vaqt" ko‘rsatuvida o‘g‘li va qizining elektron gadjetlardan foydalanish huquqidan mahrum qilgani haqida intervyu bergan. Pugachyova bolalari tashqi dunyo haqidagi ma’lumotlarni faqat oila a’zolaridan olishlari kerakligini ta’kidlaydi.

"Days.ru" nashrining xabar berishicha, Galkin va Pugachyova Moskva shahrining Gryaz qishlog‘ida o‘zlarining muhtasham uylarida doimiy yashashlarini hisobga olib, bolalarini yo‘lga ko‘p vaqt sarflamasliklari uchun istiqomat qiladigan uylarining yaqin atrofida joylashgan maktabga berishga qaror qabul qilishadi. U maktabda egizaklarni o‘qitish uchun oyiga 340 ming rubl sarf qiladi.