Keyingi paytda buklama telefonlar (raskladushka) keng ommalashib bormoqda. Ma’lum bo‘lishicha, Yaponiyada keyingi yetti yil davomida birinchi marta flipfonlar savdosi oshgan. “MM Research Institute” tadqiqot kompaniyasining ma’lumotlariga qaraganda, 2014 yilda bunday telefonlarni sotib olish 5,7 foizga ko‘paygan.
Yaponlar orasida eng keng tarqalgan model gara-key deb nomlanuvchi telefon bo‘lib, uning yordamida faqat qo‘ng‘iroq qilish, xabar yozish, elektron pochta va ayrim internet xizmatlaridan foydalanish mumkin xolos.
Tahlilchilarning fikricha, flipfonlar ommalashishining asosiy omili ularning narxidir. Buklama telefonlar boshqa telefonlarga nisbatan bir necha ming ienaga arzonroqdir.
“Forbes”ning yozishicha, Yaponiyada tug‘ilish ko‘rsatkichi past va keksa yoshlilar soni ko‘p. Yoshi katta insonlar faqatgina qo‘ng‘iroq qilishni va SMS yozishni afzal ko‘rishadi, ular ortiqcha xarajat qilishni xush ko‘rishmaydi.
Buklama telefonlar oddiy va qulaydir. Ular qo‘ldan tushib ketsa ham ekraniga zarar yetmaydi. Bu telefonlarning batareyasi quvvati ham uzoqqa yetadi.
Yaponiyada buklama telefonlar urf bo‘lmoqda 
