VIA Marokand konsertida muxlislarni nimalar kutmoqda?
Ma’lumki, Via Marokand ijodkorlari 29, 30 mart kunlari "Xalqlar do‘stligi" san’at saroyida "Hamma harakatda" nomli ilk yakkaxon konsert dasturini taqdim qiladi. Ayni damda konsertga katta tayyorgarlik ko‘rilmoqda! Bu haqida guruh prodyuseri Javlon Shodmonov ma’lum qildi. Dastur shou tarzda bo‘lib o‘tadi. Konsert g‘oyalari ustida alohida ishlanyapti. Ilk konsert, katta imtixon! Xalqimiz oldidagi mazkur imtixondan a’lo darajada o‘tishlari uchun ijodiy jamoa tun-u kun ishlamoqda. Konsert uchun juda ko‘p yangi taronalar yozilmoqda. Dasturdan o‘rin olishi kutilayotgan 22 ta musiqiy asarlarning katta qismi yangi taronalardan iborat bo‘ladi. Konsertda sirli duetlar ham bo‘ladi. Buni albatta konsertda ko‘rib guvohi bo‘lishingiz mumkin. Oddiy konsert bo‘lmasligi va’da qilinayotgan mazkur dasturga Via Marokand va ularning ijodiy jamoasi barchani taklif qilishadi. Ijodkorlarga omad va kuch-quvvat tilaymiz.
VIA Marokand konsertida muxlislarni nimalar kutmoqda? 
