Qisqa fursatda o‘zbek san’atida o‘z o‘rni va mavqeiga ega bo‘lgan Via Marokand yana bir yangi qo‘shiq va klip ustida ish olib bormoqda. Ushbu tarona "Million" deb nomlanadi. Kompozisiyaning so‘zlari va musiqasi Hamdam Sobirov va Javlon Shodmonov tomonidan yozilgan. Xonandalar ijodiy jamoasi bilan birga "Million" qo‘shig‘i uchun juda ham katta tarbiyaviy ahamiyatga ega bo‘lgan videoklip suratga oldirishdi. Klipning rejissyori va g‘oya muallifi Javlon Shodmonov. Tasvirchi Yodgor Nosirov. Klipni tomosha qilgan har bir tomoshabin ayniqsa yoshlar, albatta o‘zi uchun kerakli xulosani chiqaradi. Qo‘shiq va videoklip tez kunda namoyish etiladi.
Via Marokanddan "MILLION" 
