Ulug‘bek Rahmatullaevning yakkaxon konsert dasturi kunlari aniq bo‘ldi.
O‘zbek san’atining yorqin yulduzi, ite’dodli va xushovoz xonanda, “Nihol” mukofoti sovrindori Ulug‘bek Rahmatullaevdan bayramona yangilik. Xonanda har yili kuz faslida o‘zining yakkaxon konsert dasturini taqdim etib keladi. Bu yil ham an’anaga sodiq qolgan holda, Ulug‘bek Rahmatullaev allaqachon tayyorgarlik ishlarini boshlab yuborgan yakkaxon konsert dasturining sanasi ma’lum bo‘ldi. 5-6-7-8- noyabr kunlari “Istiqlol” san’at saroyida soat 19:00 da “Yoshlik qaytmaydi” deb nomlangan konsert dasturiga tashrif buyurishingiz mumkin.
Xonandaning ma’lum qilishicha, yangiliklar bisyor. Yangi qo‘shiqlar, kutilmagan sovg‘alar barcha – barchasiga o‘zingiz guvohi bo‘lishingiz mumkin. Ayni damda tayyorgarlik ishlari avjida.
Ulug‘bek Rahmatullaevning yakkaxon konsert dasturida kutilayotgan yangiliklar haqida batafsil tez kunda xonanda bilan birgalikda ma’lum qilamiz. Shunday ekan, bizdan yiroqlashmang va kuzatishda davom eting.
Ulug‘bek Rahmatullaevning yakkaxon konsert dasturi kunlari aniq bo‘ldi. 
